გუშინ Electronic Arts-მა Plants vs. Zombies-ს ახალი, მესამე ვერსია ოფიციალურად დააანონსა. ჯერჯერობით ახალი ვერსიის შესახებ ბევრი არაფერია ცნობილი, გარდა იმისა, რომ თამაში ძალიან ადრეულ ეტაპზეა.

Plants vs. Zombies პირველი ვeრსია 2009 წელს გამოვიდა. თამაში თავდაპირველად კომპიუტერებისთვის იყო განკუთვნილი, თუმცა ის კონსოლებისა და სმარტფონებისთვის მალევე ადაპტირდა.

თამაშის მესამე ვერსია წინამორბედების მსგავსი იქნება. EA დამატებით დეტალებს არ ავრცელებს, მაგრამ ამბობს, რომ ახალი ვერსია ყველასათვის უფასო იქნება. კომპანისი მიერ გავრცელებულ ფოტოში ტრადიციული სცენა ჩანს — კარტოფილი, მზესუმზირა და სხვა საყვარელი მცენარეები მრისხანე ზომბებისგან თავდასაცავად ემზადებიან.

Plants vs. Zombies-ს ფანებს გარკვეული ხანი მოცდა მოუწევთ, რადგან, როგორც ჩანს, თამაში ჯერ საკმაოდ ადრეულ ეტაპზეა.

"ჩვენ გვინდა, რომ თამაშის გამოშვებისას ყველაფერი გამართულად მუშაობდეს. აუცილებლად შეგატყობინებთ, როდესაც გამოსვლის საბოლოო თარიღი გვეცოდინება", — ნათქვამია EA-ს განცხადებაში.