შინაგან საქმეთა მინისტრი, გიორგი გახარია მწვავე კითხვებისთვის მადლობას უხდის TV პირველის წამყვან ინგა გრიგოლიას და მას მხარდაჭერას უცხადებს. ასე გამოეხმაურა მინისტრი მასთან ინტერვიუს შემდეგ ჟურნალისტის მიმართ ზეწოლასა და შეურაცხყოფს, რომელსაც მმართველი პარტიის წარმომადგენელიც ახორციელებდა.

"მინდა ერთმნიშვნელოვნად ხაზი გავუსვა და მხარი დავუჭირო ჟურნალისტ ინგა გრიგოლიას. ჩემთვის უკიდურესად მნიშვნელოვანი იყო მასთან ეთერში მისვლა. ჩემთვის აბსოლუტურად მიუღებელია ის ზეწოლა, ის ბულინგი, რასაც მასზე ახორციელებდნენ", — განაცხადა გახარიამ.

TV პირველის ეთერში გადაცემა რეაქციის გასვლის შემდეგ გრიგოლიას მისამართით დაწერი პოსტზე რუსთავის საკრებულოს თავმჯდომარემ, ლევან ონიანმა "ინგაზე" სექსისტური, დამამცირებელი და შეურაცხმყოფელი კომენტარი დაწერა. მისი თქმით, ეს კომენტარი სხვა ინგას მისამართით იყო. ონიანმა გუშინ, 14 ივლისს ბოდიში მოიხადა.