ქართული ოცნების თავმჯდომარე, ბიძინა ივანიშვილი ამბობს, რომ რუსთავი 2-ის საქმეზე სტრასბურგის სასამართლოს ნებისმიერი გადაწყვეტილებას სცემენ პატივს. სტრასბურგის გადაწყვეტილება რუსთავი 2-ის საქმეზე 18 ივლისს გამოქვეყნდება.

2017 წლის 3 მარტს სტრასბურგის ადამიანის უფლებათა ევროპულმა სასამართლომ რუსთავი 2-ის საქმეზე უზენაესი სასამართლოს მეირ გამოტანილი გადაწყვეტილების აღსრულება შეაჩერა. წინა დღეს, 2 მარტს საქართველოს უზენაესი სასამართლოს დიდმა პალატამ რუსთავი 2-ის 100 პროცენტი ქიბარ ხალვაშს მიაკუთვნა.

ხალვაშმა სასამართლო დავა 2015 წლის აგვისტოში დაიწყო. ტელეკომპანიის ირგვლივ მიმდინარე საქმეები საქართველოში არსებულმა ყველა ინსტანციის სასამართლომ განიხილა, თუმცა, გადაწყვეტილება ყველა შემთხვევაში უცვლელი დარჩა.

რუსთავი 2-მა ადამიანის უფლებათა ევროპულ სასამართლოს მიმართა. სტრასბურგმა საქმის განხილვა 2017 წელს დაიწყო.