ალან ტურინგი, რომელმაც თანამედროვე კომპიუტერებს ჩაუყარა საფუძველი და რომელიც მეორე მსოფლიო ომის დროს ენიგმას კოდური მესიჯების გაშიფვრის ოპერაციებს ზედამხედველობდა, ინგლისის ბანკის ახალ £50-იან კუპიურაზე გამოჩნდება.

სექსუალური ორიენტაციისთვის დასჯილი მათემატიკოსი, რომლის მიღწევებმაც ატლანტის ოკეანეში გერმანულ წყალქვეშა ნავებთან გამკლავება შესაძლებელი გახადა 1 000 მეცნიერისგან შემდგარი სიისგან ამოარჩიეს. ამ სიახლის შესახებ ბანკის ხელმძღანელმა, მარკ კარნიმ მეცნიერებისა და ინდუსტრიის მუზეუმში განაცხადა.

"ალან ტურინგი საუცხოო მათემატიკოსი იყო, რომლის მიღწევებმაც უდიდესი გავლენა მოახდინა იმაზე, თუ როგორ ვცხოვრობთ დღეს ჩვენ. ის ხელოვნური ინტელექტისა და კომპიუტერული მეცნიერებების მამა იყო, ისევე როგორც ომის ერთ-ერთი გმირი. ტურინგი გიგანტია, რომლის მხრებზეც ჩვენ ვდგავართ", — განაცხადა კარნიმ.

1952 წელს ტურინგი დამნაშავედ ცნეს, როგორც ჰომოსექსუალი და აიძულეს ქიმიური კასტრაცია ჩაეტარებინა. ორი წლის შემდეგ კი მან სიცოცხლე თვითმკვლელობით დაასრულა.

ამავე თემაზე: