ევროპარლამენტის პირველი დღეს ევროკავშირის ჰიმნის "ოდა სიხარულს" შესრულებისას ბრექსიტის პარტიის წევრები ზურგით შეტრიალდნენ. ამავე დროს, ლიბერალ-დემოკრატიული პარტიის ევროპარლამენტარებს ყვითელი მაისურები ეცვათ წარწერით "Stop Brexit".

ბრექსიტის მომხრე ახალმა პარტიამ ნაიჯელ ფარელის ლიდერობით დიდ ბრიტანეთში ევროპარლამენტის არჩევნებში გაიმარჯვა. ბრიტანეთისთვის გამოყოფილი 64 ადგილიდან ფარელის პარტიამ 29 ადგილი დაიკავა. ლიბერალ-დემოკრატებმა ევროპარლამენტში 15 ადგილი დაიკავეს, ლეიბორისტებმა — 10, მწვანეებმა — 7, ხოლო მმართველმა კონსერვატიულმა პარტიამ 4 ადგილი დაიკავა. ორმა წამყვანმა პარტიამ, ლეიბორისტებმა და კონსერვატორებმა 2014 წლის არჩევნების შემდეგ ბევრად ნაკლები ხმა მიიღეს.

დიდ ბრიტანეთს ევროკავშირის მარტში უნდა დაეტოვებინა, შესაბამისად ევროპარლამენტის არჩევნებშიც არ უნდა მიეღო მონაწილეობა. მაგრამ იმის გამო, რომ პროცესი გაიწელა, დიდ ბრიტანეთს არჩევნებში მონაწილეობა მოუწია. ბრიტანეთი ევროკავშირის წევრი 31 ოქტომბრამდე რჩება.