სამეფო კარის თამაშების ვარსკვლავი მეისი უილიამსი ბრიტანული ტელეარხის Sky-ის ახალ კომედიურ სერიალში - Two Weeks to Live ითამაშებს.

მისი პერსონაჟი კიმ ნოუკსია, ახალგაზრდა გოგო, რომლის მამაც გაურკვეველ ვითარებაში გარდაიცვალა. მამის სიკვდილის შემდეგ კი დედამ სიტუაციას გაარიდა და მოშორებით, სოფელში დაიწყეს ცხოვრება, სადაც თავის გადასარჩენად უცნაურ ტექნიკებს იყენებენ.

ერთ დღესაც, პაბში ყოფნისას კიმი თავს შარში გაჰყოფს და იძულებული ხდება გაიქცეს, რადგან მკვლელი განგსტერი და პოლიცია ერთად იწყებს მის ძებნას. ამ ყველაფერს ისიც ემატება, რომ ნაღდი ფულით სავსე, მოპარული ჩანთა აქვს.

მეისი უილიამსი არია სტარკის როლის შესრულებისთვის ემის ნომინაციაზე იყო წარდგენილი. ეპიკური სერიალის დასრულების შემდეგ დიდი ხანი არ გასულა, თუმცა მსახიობი უკვე ახალ პროექტზე იწყებს მუშაობას. ამ ყველაფერთან დაკავშირებით კი ასეთ კომენტარს აკეთებს:

სამუშაოდ რაღაც ახალს ვეძებდი და ვფიქრობ, რომ Two Weeks To Live-ს შესანიშნავი პოტენციალი აქვს. მინდა, რომ ამ შესანიშნავ გუნდთან ერთად რაღაც განსაკუთრებული გავაკეთო.

სერიალის გადაღება ამ წლის ბოლოს დაიწყება და ეკრანებზე 2020 წელს გამოვა.