მარნეულის 35-ე ოლქის მაჟორიტარობის კანდიდატის კუთვნილი აფთიაქის კარზე მინა ჩამსხვრეულია. კამრან მამედოვი მომხდარში ნაციონალური მოძრაობის კანდიდატის, აზერ სულეიმანოვის, ნათესავებს ადანაშაულებს.

მამედოვი რუსთავი 2-თან საუბრისას აღნიშნავს, რომ ენმ-ს კანდიდატის ცოლის ძმებმა მას სიტყვიერი შეურაცხყოფა მიაყენეს და ცივი იარაღის გამოყენებით დაემუქრნენ.

"ერთმა ძმამ ფეხი დაარტყა კარებს და ჩამოამსხვრია მინა, მეორემ კი დანა ამოიღო და მითხრა, რომ კანდიდატურას თუ არ მოვხსნიდი, სიკვდილს [სიცოცხლეს] მომისპობდნენ" - ამბობს მამედოვი.

ნაციონალური მოძრაობის რეგიონალური ოფისის თავჯდომარე ინციდენტში მონაწილეების პარტიასთან კავშირს უარყოფს.

შსს-მ გამოძიება სხვისი ნივთის დაზიანებისა და მუქარის მუხლებით დაიწყო.