ნაციონალური მოძრაობის ლიდერმა სალომე სამადაშვილმა საპროცედურო საკითხთა კომიტეტზე დამსწრე პროკურორებს და დეპუტატებს მიმართა, აპირებდნენ თუ არა მისი იმუნიტეტის საკითხის დაყენებასაც. სამადაშვილის თქმით, მასაც აქვს პრეტენზია რომ ჩემს მოწოდებაზე ხალხი ქუჩაში გამოვა, როგორც ეს მოხდა. მან ასევე გაიხსენა 20 ივნისს პარლამენტის პლენარულ დარბაზში თავმჯდომარის ტრიბუნიდან ხალხის მისამართით მოწოდებაც:

"მე ერთ-ერთი დეპუტატი, რომელიც ავედი პარლამენტის ტრიბუნაზე და ვუთხარი რუსულ დელეგაციას, დაეტოვებინა დარბაზი. ვიმეორებ ჩემს სიტყვებს: ნახევარ საათში კობახიძე თუ არ გაიყვანს რუსულ დელეგაციას ამ დარბაზიდან, მოვუწოდებ ქართველ ხალხს და მე კიარ ვიდგები ამ ტრიბუნასთან, არამედ, აქ იდგება ქართველი ხალხი... ათასობით ჩვენი მოქალაქე გამოვიდა და გითხრათ, რომ გავრილოვს არ შემოვუშვებთ ჩვენ საქართველოს პარლამენტშიო, ამ ხალხს თქვენ ესროლეთ რეზინის ტყვიები".

20 ივნისის აქციაზე ძალადობრივი ჯგუფის ხელმძღვანელობისა და მასში მონაწილეობის ბრალდებასთან დაკავშირებით გუშინ, 25 ივნისს პროკურატურაში ბრიფინგი გაიმართა. უწყებაში ნაციონალური მოძრაობის ლიდერის, ნიკა მელიას წინააღმდეგ მიმდინარე საქმეზე ისაუბრეს. პროკურორის თქმით, მათ მიმართეს პარლამენტს, რათა მიიღონ ნებართვა დეპუტატის დაკავებაზე. მელიას იმუნიტეტი იცავს და მის დასაკავებლად პარლამენტის თანხმობაა საჭირო.