"მესმის, რომ თქვენც გიჭირთ ხელის მიჭერა, მესმის, რომ თქვენც გიტყდებათ", — ასე მიმართა ნაციონალური მოძრაობის დეპუტატმა, ხათუნა გოგორიშვილმა ქართული ოცნების დეპუტატ გაგა კახიანს. პასუხი კი მას კომიტეტის თავჯდომარე ანრი ოხანაშვილმა უთხრა: "თქვენ არ გიტყდებათ ამდენი ხანი ნაციონალურ მოძრაობაში ყოფნა? არ გეუხერხულებათ ნაციონალურ მოძრაობას, რომ წარმოადგენთ ამდენი ხანი? ვის რა უტყდება, როგორ მოგვმართავთ ჯერ".

იურიდიულ და საპროცედურო საკითხთა კომიტეტების სხდომა, რომელზეც ნაციონალური მოძრაობის დეპუტატის, ნიკა მელიასთვის იმუნიტეტის შეჩერების საკითხზე მსჯელობენ დაძაბულ რეჟიმში მიმდინარეობს. ადევნეთ თვალი პირდაპირ ეთერს სხდომიდან.

20 ივნისის აქციაზე ძალადობრივი ჯგუფის ხელმძღვანელობისა და მასში მონაწილეობის ბრალდებასთან დაკავშირებით გუშინ, 25 ივნისს პროკურატურაში ბრიფინგი გაიმართა. უწყებაში ნაციონალური მოძრაობის ლიდერის, ნიკა მელიას წინააღმდეგ მიმდინარე საქმეზე ისაუბრეს. პროკურორის თქმით, მათ მიმართეს პარლამენტს, რათა მიიღონ ნებართვა დეპუტატის დაკავებაზე. მელიას იმუნიტეტი იცავს და მის დასაკავებლად პარლამენტის თანხმობაა საჭირო.

ამავე თემაზე: