დღეიდან ეროვნული ბიბლიოთეკის წიგნის მუზეუმის უამრავ სტუმარს, რომელთა შორის რუსეთის მოქალაქეებიც არიან, შესასვლელ ფლიგელში დახვდებათ დროშები ქართულ, აფხაზურ, ოსურ და ინგლისურ ენებზე.

"ძალიან ბევრი ტურისტი ათვალიერებს ჩვენს წიგნის მუზეუმს. მათ შორის ბევრია რუსი ტურისტიც. ქართულ, ინგლისურ, აფხაზურ და ოსურ ენებზე გაკეთებულმა წარწერამ "რუსეთი ოკუპანტია" იქნებ დააფიქროს ისინი და იქნებ გაიაზრონ ის პასუხისმგებლობა, რომელიც მათ სახელმწიფოს ეკისრება. ამიტომაც განვათავსეთ ეს წარწერები მუზეუმის შესასვლელში", — განაცხადა გიორგი კეკელიძემ.