19 დეკემბერს, გერმანიის ბუნდესტაგის ევროკავშირის საკითხთა კომიტეტის წევრებმა გამართეს საგანგებო შეხვედრა, რომელშიც პარლამენტში წარმოდგენილი ყველა პოლიტიკური ჯგუფი და სხვადასხვა კომიტეტების წარმომადგენლებიც მონაწილეობდნენ. ამის შესახებ ინფორმაციას კოალიციის პრესსამსახური ავრცელებს.

დღეს, 19 დეკემბერს საგანგებო შეხვედრა გაიმართა გერმანიის ბუნდესტაგის საკითხთა კომიტეტების წევრების მიერ, რომელშიც პარლამენტში წარმოდგენილი ყველა პოლიტიკური ჯგუფი და სხვადასხვა კომიტეტების წარმომადგენლებიც მონაწილეობდნენ. ინფორმაციას კოალიციის პრესსამსახური ავრცელებს.

შეხვედრას კომიტეტის თავმჯდომარე, დოქტორი ანტონ ჰოფრაითერი უძღვებოდა, სადაც მიწვეული იყო "ძლიერი საქართველოს" ერთ-ერთი ლიდერი ანა ნაცვლიშვილი, რომელიც ონლაინ ჩაერთო სხდომას.

როგორც პრესსამსახურის მიერ გავრცელებულ ინფორმაციაში ვკითხულობთ, ნაცვლიშვილის სასაუბრო თემა იყო "გაყალბებული არჩევნები, ქართული ოცნების მიერ კონსტიტუციის მრავალგზის დარღვევა და რეპრესიები", რომელიც "არალეგიტიმურმა რეჟიმმა დაუპირისპირა მოქალაქეთა უწყვეტ და მზარდ პროტესტს", და რომელიც მთელი ქვეყნის მასშტაბით მიმდინარეობს საქართველოს დამოუკიდებლობის და ევროპული მომავლის გადასარჩენად.

ამასთან, ნაცვლიშვილმა დეპუტატების შეკითხვებს უპასუხა და ისაუბრა იმ მომავალზე, რომელიც შექმნილ სიტუაციაში ქვეყანას კონსტიტუციურ ჩარჩოში დააბრუნებს: პოლიტიკური პატიმრების უპირობო გათავისუფლება და ახალი, სამართლიანი არჩევნების დანიშვნა.

"ჩვენ, პროდასავლური პოლიტიკური ძალები ერთობლივად ვმუშაობთ და ვდგავართ საქართველოს პრეზიდენტ სალომე ზურაბიშვილის გვერდით, რათა ქვეყანა დაბრუნდეს კონსტიტუციურ ჩარჩოში", — აღნიშნა ნაცვლიშვილმა.

კოალიციის ლიდერმა გერმანიის ბუნდესტაგის წევრებს შეხვედრის დროს გამოხატული სოლიდარობისა და მხარდაჭერისთვის, ისევე როგორ გერმანიის სახელმწიფოს მხრიდან გამოხატული მხარდაჭერისთვის მადლობა გადაუხადა და დასძინა, რომ ქართველ ხალხს ახლა კიდევ მეტი პრაქტიკული ნაბიჯების გადადგმა სჭირდება გერმანიის მხრიდან.

მისივე თქმით, ასეთი იქნება მაგალითად, მათ მიმართ პერსონალური სანქციების დაწესება, ვინც ადამიანის და დემოკრატიის ფუნდამენტური პრინციპები შელახა და ქართველი ხალხის ნებას დაუპირისპირდა.

მანვე ხაზი გაუსვა იმას, თუ რამდენად რამხელა მნიშვნელობა აქვს რომ არცერთი დემოკრატიული ქვეყანა ქართული ოცნების "არალეგიტიმურ, მოძალადე რეჟიმს" არ აღიარებს და რომ საქართველოს ერთადერთი ლეგიტიმური ხელისუფალი ამ დროისთვის სალომე ზურაბიშვილია და ასე დარჩება მანამ, სანამ ლეგიტიმური პარლამენტი ახალ პრეზიდენტს არ აირჩევს.