ნაციონალურმა მოძრაობამ დღეს გამართულ საგანგებო ბრიფინგზე სანდო წყაროზე დაყრდნობით განაცხადა, რომ არჩევნებში ქართული ოცნების დამარცხების შემთხვევაში, ივანიშვილი ქვეყნიდან წასვლას გეგმავს. როგორც ენმ-ს წევრმა, თინათინ ბოკუჩავამ განმარტა, თუ არჩევნებში ქართული ოცნება სასურველ შედეგს ვერ მიიღებს, ის ოპოზიციაში უნდა გადავიდეს:

"ნორმალურ, დემოკრატიულ სახელმწიფოებში ხელისუფლებები იცვლებიან მშვიდობიანად და გადადიან ოპოზიციაში, ჩვენ ამის მაგალითი ერთხელ უკვე მივეცით, როდესაც მმართველი გუნდი ოპოზიციაში გადავიდა, მიუხედავად იმ დევნისა და შევიწროვებისა, ჩვენ გავაგრძელეთ ნორმალურ რეჟიმში ოპონირება ხელისუფლებასთან. ის დროა, რომ ივანიშვილმა გამოიყენოს ეს მაგალითი, მშვიდობიანად დათმოს ხელისუფლება და მართვის სადავეები, გადავიდეს ოპოზიციაში".