22-დან 25 აგვისტოს ჩათვლით, ანაკლიაში, ელექტრონული მუსიკის ფესტივალი Echowaves ჩატარდება, რომლის ლაინაფიც უკვე ცნობილია.

2019 წელს ანაკლიაში შემდეგი მუსიკოსები დაუკრავენ:

  • NINA KRAVIZ;
  • a-z ADRIATIQUE;
  • BEN KLOCK;
  • CLAPTONE;
  • DAX J;
  • DJ TENNIS;
  • KINK;
  • RED AXES;
  • RODHAD.

მათთან ერთად, ფესტივალზე მსმენელის წინაშე წარსდგებიან: BORIS, BAHRAMJI & MEDUSA ODYSSEY, EELKE KLEIJN, LEHAR, MATHAME, MUSUMECI, PARK HYE JIN, PETRE INSPIRESCU, PLAID live, SAMA TIJANA T, TOM TRAGO, VALENTINO KANZYANI, VRIL live, YOKOO, ANDREW MELLER, BACHO, GIO SHENGELIA, L8, SIDARTHA SILICEO & ANIA, STIMMHALT და TOMMA.

Echowaves ელექტრონული მუსიკის ფესტივალია, რომელიც ანაკლიის სანაპიროზე პირველად გასულ წელს გაიართა. ის 2014 წლის ევროპის საუკეთესო ფესტივალის ტიტულის მქონე EXIT-ის მხარდაჭერით ტარდება. ფესტივალმა გასულ წელს წარმატებული სტარტი აიღო და 150-მდე დიჯეის და 10000-ზე მეტ სტუმარს უმასპინძლა. ის მალევე გახდა ცნობილი მასშტაბურობითა და დადებითი შეფასებებით როგორც რეგიონში, ასევე ევროპულ ქვეყნებში და 2018 წლის საუკეთესო ახალი ფესტივალის ნომინაციის შორთლისთშიც აღმოჩნდა. მოხვდა საერთაშორისო მედიის ყურადღების ცენტრში და 27 000 000-მდე უცხოელს გააცნო საქართველო.

ფესტივალის მიზანია რეგიონისთვის დახმარების გაწევა კულტური და ეკონომიკური დონის განვითარების თვალსაზრისით და ტურისტებისთვის მიმზიდველი ღონისძიების ჩატარება.
მუსიკის გარდა ფესტივალი მოიცავს სპორტს, ფიზიკურ აქტივობებს და სხვა თეატრალურ, კულტურულ, სოციალურ და საგანმანათლებლო ღონისძიებებს.