პარლამენტის თავმჯდომარე, ირაკლი კობახიძე თანამდებობიდან გადადგომას არ გეგმავს. ამის შესახებ On.ge-ს პარლამენტის პრესსამსახურში განუცხადეს. მათი თქმით, ირაკლი კობახიძე ბაქოში ვიზიტს აგრძელებს.

მედიაში გავრცელდა ინფორმაცია, რომ ირაკლი კობახიძე ბაქოში ვიზიტს წყვეტდა და გადადგომის შესახებ განაცხადებდა.

დღეს, 20 ივნისს მართლმადიდებლობის საპარლამენტთაშორისო ასამბლეის წევრი და რუსი დეპუტატი, სერგეი გავრილოვი პარლამენტში, ირაკლი კობახიძის სავარძელზე დაჯდა. ეს ფაქტი გააპროტესტა ვიცე-სპიკერმა თამარ ჩუგოშვილმა და პრეზიდენტმა სალომე ზურაბიშვილმა. თავდაპირველად, უმრავლესობის წევრმა, ზაქარია ქუცნაშვილმა თქვა, რომ "სადღაც რუსს რომ დავინახავთ, არ უნდა გავნადგურდეთ", მოგვიანებით კი განმარტა, რომ "თუ საჭიროა, პოლიტიკურ პასუხისმგებლობას აიღებს".