ისრაელში, ქალაქ თელ-ავივში ლგბტქ პრაიდი გაიმართა, მასში მონაწილეობა 250 ათასმა ადამიანმა მიიღო. ინფორმაციას ადგილობრივი გამოცემა The Jerusalem Post ავრცელებს.

პრაიდის მონაწილეებმა ცენტრალურ ქუჩებზე საზეიმოდ ჩაიარეს. მათ ლგბტქ თემის უფლებრივ მდგომარეობასა და გამოწვევებზე ისაუბრეს. მსვლელობაში მონაწილეობა ლესბოსელი, გეი, ბისექსუალი, ტრანსგენდერი და ქვიარ ადამიანების გარდა ჰეტეროსექსუალებმაც მიიღეს, რომლებიც პრაიდს მეგობრებისა და თემის მხარდასაჭერად შეუერთდნენ.

ივნისი მსოფლიოს არაერთ ქვეყანაში ლგბტქ სიამაყის თვეა. ამ თვეში ცნობიერების ამაღლებისა და უფლებების დაცვის მიზნით სხვადასხვა ღონისძიება იმართება, მათ შორის პრაიდი. წელს პირველად, მსოფლიოს საქართველოც შეუერთდება და თბილისი 18-დან 23 ივნისის ჩათვლით პრაიდის კვირეულს უმასპინძლებს.