იტალიელი რეჟისორი ფრანკო ძეფირელი 96 წლის ასაკში გარდაიცვალა. ის მძიმედ იყო ავად, თუმცა მისი ჯანმრთელობის მდგომარეობა ბოლო თვეების განმავლობაში გაუარესდა.

ძეფირელის ერთ-ერთი შთაგონების წყარო შექსპირი იყო. მისი ყველაზე ცნობილი ფილმები სწორედ ინგლისელი პოეტის ნაწარმოებების ადაპტაციებია.

მათ შორისაა 1967 წლის ჭირვეულის მორჯულება, ელიზაბეტ ტეილორის მონაწილეობით, 1968 წლის ოსკაროსანი რომეო და ჯულიეტა და 1990 წლის ჰამლეტი მელ გიბსონის, გლენ ქლოუზისა და ჰელენა ბონემ კარტერის მონაწილეობით.

ფოტო: Getty Images

თავად რეჟისორი ორჯერ იყო ნომინირებული ოსკარზე.

ძეფირელი ასევე სილვიო ბერლუსკონის პარტიის, ფორცა იტალიას წევრი იყო და 1994-2001 წლებში, ორი ვადით მოღვაწეობდა იტალიის სენატში.