შინაგან საქმეთა სამინისტრომ ლანჩხუთში 20 წლის ბიჭის დაჭრის საქმეზე 1998 წელს დაბადებული პირი დააკავა, რომელიც პირობითი მსჯავრის ქვეშაა. მას განზრახ მკვლელობის მცდელობაში ედება ბრალი.

უწყების ინფორმაციით, ბრალდებულმა, მიმდინარე წლის 6 ივნისს ლანჩხუთში ურთიერთშელაპარაკებისას 1999 წელს დაბადებულ ბიჭს ცივი იარაღით დაჭრა და შემთხვევის ადგილიდან მიიმალა. სასწრაფო სამედიცინო დახმარების ბრიგადის თანამშრომლებმა დაჭრილი საავადმყოფოში გადაიყვანეს. მისი ჯანმრთელობის მდგომარეობა სტაბილურად მძიმეა.

ბრალდებული ოზურგეთის მუნიციპალიტეტის სოფელ ნაღობილევში, ნათესავის საცხოვრებელ სახლში დააკავეს. გამოძიება განზრახ მკვლელობის მცდელობის ფაქტზე, საქართველოს სისხლის სამართლის კოდექსის 19-108-ე მუხლით მიმდინარეობს. აღნიშნული მუხლი 7-დან 15 წლამდე ვადით თავისუფლების აღკვეთას ითვალისწინებს.