პარლამენტის საფინანსო-საბიუჯეტო კომიტეტმა ევროპული საქართველოს კანონპროექტს, რომლის მიხედვითაც, ფიზიკური პირების მიერ საფოსტო გზავნილით მიღებული საქონლის 300 ლარიანი ლიმიტი 500 ლარამდე უნდა გაიზარდოს, მხარი არ დაუჭირა. ამ კანონპროექტს პარლამენტის დარგობრივი ეკონომიკის კომიტეტმა მხარი 25 მარტს დაუჭირა.

არსებული კანონმდებლობით, თუ გამოწერილი საქონლის ღირებულება 300 ლარს აღემატება, ის განბაჟებას ექვემდებარება.

ევროპული საქართველოს დეპუტატის, გიორგი კანდელაკის თქმით, კანონპროექტის მიზანია არსებულის საგადასახადო შეღავათის 300 ლარიანი ლიმიტის იმ ოდენობამდე გაზრდა (500 ლარამდე), რაც ვალუტის კურსის გაუფასურებამდე უცხოურ ვალუტაში (აშშ დოლარებში) იყო გამოსახული.