სახელმწიფო უსაფრთხოების სამსახურმა თბილისის სატრანსპოორტო კომპანიის თანამშრომელი თაღლითობის მცდელობის ბრალდებით დააკავეს.

უწყების ინფორმაციით, ბრალდებული თბილისის სატრანსპორტო კომპანიის ავტობუსების ექსპლუატაციის უსაფრთხოების და მოძრაობის ორგანიზების სამსახურის ინსპექტორი იყო. გამოძიების თქმით, დაკავებული მოქალაქეს კონდუქტორად დანიშვნას ჰპირდებოდა, რის სანაცვლოდაც მოსთხოვა და ეტაპობრივად გამოართვა 700 ლარი.

გამოძიება სამსახურებრივი მდგომარეობის გამოყენებით თაღლითობის მცდელობის ბრალდებით საქართველოს სისხლის სამართლის კოდექსის 19,180-ე მუხლის მე-2 ნაწილის "ბ" და მე-3 ნაწილის "ა" ქვეპუნქტებით მიმდინარეობს. აღნიშნული ბრალი 6-დან 9 წლამდე ვადით თავისუფლების აღკვეთას ითვალისწინებს.