ნაციონალური მოძრაობა რესპუბლიკელების ლიდერის, დავით უსუფაშვილის მიერ გამოქვეყნებულ წერილს ეხმაურება. სერგი კაპანაძე განმარტავს, რომ აღნიშნულმა წერილმა კიდევ ერთხელ დადასტურდა, რომ ქვეყანაში არაფორმალური მმართველი ბიძინა ივანიშვილია:

"ამ წერილით გამოჩნდა ის, რაც ჩვენ აქამდე ყოველთვის ვიცოდით. კერძოდ ის, რომ არაფორმალური მმართველი და მთავარი გადაწყვეტილების მიმღები პირი ქვეყანაში არის, იყო და რჩება ბიძინა ივანიშვილი. ეს ყველამ კარგად იცოდა, მათ შორის რესპუბლიკელებმაც და სამწუხაროდ, ხელს აფარებდნენ და სხვანაირად ცდილობდნენ წარმოეჩინათ სიტუაცია.

აქედან გამომდინარე, ჩვენი ამოცანა არის არა ამ შიდა დისკუსიებში შესვლა და გარკვევა, ვინ იყო მართალი ივანიშვილ-უსუფაშილს შორის მიმოწერაში, არამედ ივანიშვილის ჩამოშორება ხელისუფლებიდან და ამ ძალიან მანკიერი, არაფორმალური მმართველობის სისტემის, რაც შეიძლება მალე დასრულება".

22 სექტემბერს დავით უსუფაშვილმა მის მიერ ბიძინა ივანიშვილისა და გიორგი კვირიკაშვილისთვის 11 მარტს მიწერილ წერილი გაასაჯაროვა, რომელშიც მათ 2015 წლის გაზაფხულის მიღწეულ შეთანხმებას ახსენებს, რომ კოალიცია საარჩევნო რელსებზე 2015 წლის 1 სექტემბრიდან უნდა გადაეყვანათ. ამასთან, უსუფაშვილი კოალიციაში შექმნილ პრობლემებს მიმოიხილავს და მათთან შესახვედრად მზადყოფნას გამოთქვამს.