თუ გაქვთ პრაქტიკული და კარგად შესწავლილი იდეა, რომელიც კოსმოსში მოგზაურობას რევლუციურად გარდაქმნის, მაგრამ არ იცით როგორ განახორციელოთ ის, მაშინ ძალიან გაგიმართლათ - NASA ახალ იდეებს ეძებს.

ნასას ინოვაციური ტექნოლოგიების განყოფილება აცხადებს პროექტს, რომელში მონაწილეობაც საზოგადოების წარმომადგენლებს, საჰაერო სივრცის სპეციალისტებს, სახელმწიფო მოხელეებს და სხვა პროფესიის ადამიანებს შეუძლიათ. პროექტის მიზანი ახალი იდეების აღმოჩენაა, რომლებიც მარსის შესწავლისა და წითელ პლანეტაზე მოგზაურობის მისიების წარმატებით განხორციელებას შეუწყობს ხელს.

NASA, კონკურსის ფარგლებში, 5 გვერდიან ნაშრომს ითხოვს, რომელიც შესრულებული იქნება საჰაერო რადიაციული თავდაცვის, სიცოცხლის უსაფრთხოების, ასტრონავტის ჯანმრთელობის, საჰაერო გადაადგილებისა და მაღალი რეზოლუციის მქონე სასათბურე გაზის გაზომვის ინსტრუმენტების შესახებ.

რა საკვირველია, NASA თავადაც ატარებს კვლევას და სწავლობს ახალ შესაძლებლობებს, მაგრამ ორგანიზაციაში სჯერათ, რომ ახალი ინფორმაციის არატრადიციული გზით მიღება ახალი იდეების ჩამოყალიბებაში დაეხმარებათ.

სამწუხარო ინფორმაცია ის არის, რომ კონკურსში ნაშრომების მიღება 17 ოქტომბრამდე გრძელდება. მომდევნო თვეების განმავლობაში გამოვლინდება 10 ფინალისტი, რომელიც ნასას სათაო ოფისს დეკემბერში ეწვევა, ხოლო მათგან სამი საუკეთესო, იდეების სისრულეში მოსაყვანად, საჭირო რესურსებს და დამხმარე პერსონალს მიიღებს.