Tbilisi Pride-ის ერთ-ერთი ორგანიზატორის, მარიამ კვარაცხელიას თქმით, ღირსების მარში ცენტრალურ გამზირზე გაიმართება, მაგრამ არა რუსთაველზე. როგორც მან თქვა, მარშს საზეიმო სახე არ ექნება.

ამ ეტაპისთვის თუ სად გაიმართება მარში კვარაცხელია არ ამბობს, თუმცა ეს გარკვეული პერიოდით ადრე გახდება ცნობილი:

"Tbilisi Pride-ის სახელით ვიტყვი, რომ ჩავთვალეთ, რომ კარგი იქნებოდა დაგვეწყო ახალი ფურცლიდან, გვეცადა ახალი თარიღი, ახალი ლოკაცია, როდესაც არ არის ოჯახის სიწმინდის დღე, არ არის მასშტაბური ღონისძიებები".

რაც შეეხება ჰომოფობიასთან და ტრანსფობიასთან ბრძოლის საერთაშორისო დღის, 17 მაისის ღონისძიებებს, კვარაცხელია ამბობს, რომ ამ დღესთან დაკავშირებით დემონსტრაციებისა და აქციების მოწყობა არ იგეგმება.

თბილისში 18-დან 23 ივნისის ჩათვლით LGBTQI პრაიდი გაიმართება. კვირეულის ფარგლებში სხვადასხვა სოციალური, კულტურული და პოლიტიკური ღონისძიება გაიმართება. პრაიდის ფარგლებში რამდენიმე ღონისძიება ჩატარდება, მათ შორისაა საერთაშორისო კონფერენცია, "ღირსების მარში" და სოციალური სპექტაკლი.

ამავე თემაზე: