თბილისში, პირველი რესპუბლიკის მოედანზე შუქნიშნით ორგანიზებული ქვეითთა გადასასვლელი ეწყობა. მოედანზე უკვე მიმდინარეობს გამყოფი უსაფრთხოების კუნძულის მშენებლობა. ამის შესახებ ინფორმაციას თბილისის მერიის ტრანსპორტის საქალაქო სამსახური ავრცელებს.

"გადასასვლელის მოწყობა განაპირობა იმ ფაქტმა, რომ იქვე მდებარე მიწისქვეშა გადასასვლელი შშმ პირებისთვის და მოხუცებისთვის ადაპტირებული არ არის, არაკომფორტულია საბავშვო ეტლით გადაადგილებისთვის. პირველი რესპუბლიკის მოედანზე ქვეითთათვის ახალი შუქნიშანი უახლოეს ხანებში ჩაირთვება", — ნათქვამია განცხადებაში.