საქართველოს პროკურატურის ინფორმაციით, ორ თვეში მიიღებენ შემაჯამებელ გადაწყვეტილებას 2017 წელს პანკისში სპეცოპერაციის შედეგად თემირლან მაჩალიკაშვილის საქმეზე. საუბარია სპეცოპერაციის დროს სამსახურებრივი უფლებამოსილების, იარაღის გამოყენების შესაძლო გადამეტების შესახებ დაწყებულ გამოძიებაზე.

"მოცემულ საქმეზე კვლავ ინტენსიურად ტარდება ყველა საჭირო და შემხვედრი საგამოძიებო მოქმედებები, თუმცა გამოძიება დასკვნით ეტაპზეა", — განმარტავს პროკურატურა.

2017 წლის 21-22 ნოემბრის ისნის სპეცოპერაციის შედეგად სუს-მა დააკავა დანაშაულებრივი ჯგუფის ერთი პირი და სამი წევრის ლიკვიდირება მოახდინა. რამდენიმე კვირის შემდეგ, 26 დეკემბერს, პანკისში, ახმედ ჩატაევთან და მის თანამზრახველებთან კავშირის ბრალდებით რუსლან ალდამოვთან ერთად ოთხი პირი დააკავეს. სახელმწიფო უსაფრთხოების სამსახურის ინფორმაციით, თემირლან მაჩალიკაშვილმა დაკავებისას წინააღმდეგობის გაწევა და ხელყუმბარის გამოყენება სცადა, რის გამოც სპეცრაზმელებმა მას ესროლეს. მაჩალიკაშვილმა სასიკვდილო დაზიანება თავის არეში მიიღო.