ოპოზიციონერმა ლიდერმა ხუან გუაიდომ განაცხადა, რომ მიმდინარეობს საბოლოო ოპერაცია ვენესუელის პრეზიდენტის ნიკოლას მადუროს ჩამოსაგდებად და ამ მიზნით, მოსახლეობას ქუჩაში გამოსვლისკენ მოუწოდა.

გუაიდო აცხადებს, რომ სამხედროები პრეზიდენტს განუდგნენ. მთავრობა კი თავის მხრივ ამბობს, რომ მდგომარეობა კონტროლს ექვემდებარება და სამხედროები მადუროს უჭერენ მხარს.

ხუან გუაიდო მომხრეებთან ერთად კარაკასთან მდებარე სამხედრო ბაზასთან იმყოფება, სადაც უშიშროების ძალებსა და ოპოზიციის მომხრეებს შორის შეტაკება მოხდა. სამხედროებმა აქტივისტების წინააღმდეგ ცრემლსადენი გაზი გამოიყენეს. თვითმხილველთა განცხადებით, მათ სროლის ხმაც გაიგეს.

ფოტო: Getty Images

ფოტო: Getty Images

ფოტო: Reuters

გუაიდოს გვერდით იმყოფება 70-მდე სამხედრო და გავლენიანი ოპოზიციონერი პოლიტიკოსი, ლეოპოლდო ლოპესი, რომელმაც შინა პატიმრობა დაარღვია და აქციაზე მივიდა. ხუან გაუიდო მოუწოდებს მხარდამჭერებს. გამოვიდნენ ქუჩებში.

ხუან გუაიდოს, რომელმაც თავი პრეზიდენტად იანვარში გამოაცხადა მხარი დაუჭირა აშშ-მ და ათობით სხვა ქვეყანამ. ამის შემდეგ, ვენესუელაში, რომელიც ღრმა პოლიტიკურ და ჰუმანიტარულ კრიზისშია, არის ორი კაცი, რომელიც აცხადებს, რომ პრეზიდენტები არიან.

გაიგე მეტი: ვენესუელის პროტესტის სათავეში — ვინ არის ხუან გუაიდო