საქართველოს პრეზიდენტმა გიორგი მარგველაშვილმა სომხეთის რესპუბლიკის პრეზიდენტს სერჟ სარგსიანს დამოუკიდებლობის დღე მიულოცა:

"თქვენო აღმატებულებავ, მინდა გულითადად მოგილოცოთ დამოუკიდებლობის აღდგენის 25 წლის იუბილე. დღევანდელ ღირსშესანიშნავ დღეს, ქართველი ხალხი და პირადად მე გამოვხატავთ განსაკუთრებულ პატივისცემას სომეხი ხალხის მიმართ. მინდა ვისარგებლო შემთხვევით და აღვნიშნო, რომ საქართველოსა და სომხეთის მეგობრობა ღრმა ისტორიულ და კულტურულტრადიციებს ეფუძნება. მჯერა რომ, საერთო ძალისხმევით, ჩვენ შევძლებთ ჩვენი ქვეყნების წინაშე არსებული სირთულეების დაძლევასდა მომავალში ჩვენი თანამშრომლობის კიდევ უფრო გაღრმავებას ჩვენი ხალხების საკეთილდღეოდ. თქვენო აღმატებულებავ, ნება მიბოძეთ კიდევ ერთხელ დაგიდასტუროთ ჩემი ღრმა პატივისცემა და გისურვოთ თქვენ და მოძმე სომეხხალხს მშვიდობა და კეთილდღეობა".

სომხეთმა 1991 წლის 21 სექტემბერს, სოციალისტური სისტემის და საბჭოთა კავშირის ნგრევის შემდეგ დამოუკიდებლობა აღადგინა. ქვეყანამ პირველად 1918 წელს გამოაცხადა დამოუკიდებლობა, მაგრამ შემდეგ, საბჭოთა კავშირის შექმნასთან და სომხეთის ოკუპაციასთან ერთად დაკარგა იგი.