სულ მალე, მაყურებელი ბოლო წლების ერთ-ერთ ყველაზე საშიშ ფილმად შერაცხული The Conjuring მესამე ნაწილს იხილავს.

ჰორორი ვერა ფერმიგასა და პატრიკ უილსონის მონაწილეობით 2020 წლის 11 სექტემბერს გამოვა. მსახიობები კიდევ ერთხელ მოირგებენ ედ და ლორეინ უორენების როლს.

აღსანიშნავია, რომ ვერა ფერმიგას პერსონაჟის პროტოტიპი, ლორეინ უორენი გასულ კვირას, 92 წლის ასაკში გარდაიცვალა.

როგორც ფილმის რეჟისორი ამბობს, გადაღებები უკვე დაწყებულია და მესამე ნაწილი იმაზე საშიში იქნება, ვიდრე წინა ნაწილები იყო.

ფილმისადმი საკუთარი შეხედულება გამოთქვა ვერა ფერმიგამაც.

"Conjuring 3 გზაშია და ერთადერთი რაც შემიძლია გითხრათ არის ის, რომ ის სრულიად უნიკალურია", - თქვა ერთ-ერთ ინტერვიუში ვერამ.

მსახიობმა აღნიშნა ისიც, რომ საშინელებათა ფილმის მესამე ნაწილი ძალიან მასშტაბურია.

"Conjuring-ის ახალი ნაწილი ძველებისგან განსხვავებული იქნება, თუმდაც იმიტომ, რომ ახალი ისტორია უფრო მასშტაბურია. ძალიან ღრმა, საინტერესო და რაც მთავარია, საშიში ფილმი იქნება", - ამბობს ვერა.

ფილმის რეჟისორმა ახალი ნაწილის დაანონსებასთან ერთად, ფილმის პირველი პოსტერიც გაავრცელა:

კინოსურათის პირველი ნაწილი ეკრანზე 2013 წელს გამოვიდა და მალევე გახდა პოპულარული. ეს მის შემოსავალზეც აისახა და საბოლოოდ $319 მილიონი დააგროვა. რაც შეეხება მეორე ნაწილს, ის ეკრანებზე 2016 წელს გამოჩნდა და მისი შემოსავალი $320 მილიონი იყო.