უდავოა, რომ 2019 წელი დისნეის წელია. აი, იმ პროექტების არასრული ჩამონათვალი, რომლებიც უკვე გამოვიდა ან წლის ბოლომდე გამოვა:

ასე რომ, ახლა იდეალური დროა იმისთვის, რომ ცოტა ხნით ბავშვობაში გადავინაცვლოთ და დისნეის საუკეთესო სიმღერები გავიხსენოთ.

გაფრთხილებთ, რომ სია სუბიექტურია და დიდი შანსია, თქვენ მიერ შერჩეული ჩამონათვალი სულ სხვანაირად გამოიყურებოდეს:

15. "Cruella De Vil" ანიმაციიდან 101 Dalmatians

ის ფაქტი, რომ ამ პუნქტის წაკითხვისას "კრუელა, კრუელა დე ვიილ" გონებაში წაიღიღინეთ, თავისთავად ამტკიცებს, რომ ეს არაჩვეულებრივი სიმღერაა.

მოუსმინე

14. "You're Welcome" ანიმაციიდან Moana

ნახევარღმერთის გასაცნობი მელოდია ამაზე ნაკლები არ უნდა იყოს: დუეინ ჯონსონის არაჩვეულებრივი შესრულება, საინტერესო დრამატურგია და არაჩვეულებრივი ტექსტი. ეს სიმღერა ყველაზე დაღვრემილ ადამიანსაც კი მოიყვანს ხასიათზე და თან, არაჩვეულებრივი სოციალური კომენტარია ნარცისიზმის ფენომენზე. რატომღაც, მოანადან How Far I'll Go-ს მეტი აღიარება შეხვდა, მაგრამ მოდით, სამართლიანობის აღდგენა ამ სტატიით დავიწყოთ.

მოუსმინე

13. "Almost There" ანიმაციიდან The Princess and The Frog

მართალია, ტიანა დისნეის სხვა პრინცესებივით პოპულარული არაა, მაგრამ ამაზე მაგარი გოგო მთელ ანიმაციურ სამყაროში არ მოიძებნება. სიმღერის მთავარი გზავნილი ისაა, რომ ხალხის აზრი არაფერს ნიშნავს, მით უმეტეს, მაშინ, როცა შენს ოცნებასთან სულ ორიოდე ნაბიჯი გაშორებს.

მოუსმინე

12. "I Won't say I'm in love" ანიმაციიდან Hercules

მეგის გამოჩენით დისნეის ქალი გმირების ეპოქაში ახალი ეტაპი დაიწყო. რომ არ ვიცოდეთ, რომ მოქმედება ძველ საბერძნეთში ვითარდება, შეიძლება გვგონებოდა, რომ მეგი თანამედროვე გოგოა, რადგან მისი პრობლემა ასეთი მარტივი და გასაგებია: მეგს ადრე გული ატკინეს და ამიტომ, სიყვარულის ეშინია, ჰერკულესის გულუბრყვილობა კი სიტუაციას ნამდვილად ვერ ეხმარება.

მოუსმინე

11. "I've Got A Dream" ანიმაციიდან Tangled

ამ სიაში არც რაპუნცელის ოპტიმისტური ჰიმნის გამოტოვება იქნებოდა, ბოლოს და ბოლოს, ჩვენც ხომ გვაქვს ოცნებები.

მოუსმინე

10. "From Zero To Hero" ანიმაციიდან Hercules

ჰერკულესის მუზები დისნეის სამყაროში ყველაზე დაუფასებელი პერსონაჟები არიან, ეს სიმღერა კი ყველა კუთხით არაჩვეულებრივია: სიუჟეტურ განვითარებას ემსახურება, ენერგიულია, სხარტია და მხიარულია. შეუძლებელია, იმ აზრმა არ გაგიელვოთ, რომ კარგი იქნებოდა, მუზები უკან დაგყვებოდნენ და თქვენს საგმირო საქმეებს ხუთ ხმაში შლიდნენ.

მოუსმინე

9. "A Whole New World" ანიმაციიდან Aladdin

სხვა ვერც ერთი სიმღერა ვერ გადმოსცემს სიყვარულის თანმდევ შეგრძნებას, რომ მთელი სამყარო მხოლოდ თქვენ ორისთვის არსებობს. აღიარეთ, რომ თქვენი საყვარელი მომენტიც სფინქსისთვის ცხვირის ჩამოტეხვის კადრია.

მოუსმინე

8. "Under the Sea" ანიმაციიდან The Little Mermaid

Under the Sea-ს პირველი რამდენიმე წამიც კი საკმარისია იმისთვის, რომ ბავშვობაში დაბრუნდეთ, როცა ინგლისური ენა ჯერ არ იცოდით და გეგონათ, რომ სიმღერას ანდადასი ერქვა.

მოუსმინე

7. "The Bare Necessities" ანიმაციიდან The Jungle Book

რაკი ცეკვის განწყობაზე ვართ, არც მაუგლისა და ბალუს არაჩვეულებრივი დუეტის გამოტოვება იქნება. ყოველ ჯერზე, როცა ხეს მიეყრდნობით, შეგიძლიათ, ეს სიმღერა გაიხსენოთ.

მოუსმინე

6. "Be Our Guest" ანიმაციიდან Beauty And The Beast

ეს პატარა გაცოცხლებული ობიექტები თქვენც ზუსტად იმდენადვე გაგრძნობინებენ თავს წვეულების სტუმრად, რამდენადაც - უცხო სამყაროში მოხვედრილ ბელს.

მოუსმინე

5. "You've Got A Friend In Me" ანიმაციიდან Toy Story

რთულია იმ შეგრძნების სიტყვებით გადმოცემა, რომელსაც ეს არაჩვეულებრივი სიმღერა იწვევს. ეს მელოდია უბრალოდ მოგანდომებთ, რომ თქვენს საუკეთესო მეგობარს მაგრად ჩაეხუტოთ და იმდენ ხანს იყოთ ასე, სანამ არ გაგახსენდებათ, რომ ორივეს საქმეები გაქვთ.

მოუსმინე

4. "Hakuna Matata" ანიმაციიდან The Lion King

აკუნა მატატა იდეალური პასუხია ცხოვრების პრობლემებზე. შეყვარებული დაგშორდა? აკუნა მატატა. შენი საყვარელი სერიალი რამდენიმე ეპიზოდის მერე მთავრდება? აკუნა მატატა. პარკირების ჯარიმა მოგივიდა? ნუ, ამ შემთხვევაში, ჯობია, გადაიხადო და მერე აკუნა მატატა.

მოუსმინე

3. "Friend Like Me" ანიმაციიდან Aladdin

90-იანებში ყველა ბავშვი თვალებგაფართოებული უყურებდა ჯინის და ფიქრობდა, როგორ დაემსახურებინა ასეთი მეგობარი თვითონაც. თუ თქვენ მათ შორის არ ყოფილხართ, მაშინ მოგვიყევით, როგორია ცხოვრება ბავშვობის გარეშე.

მოუსმინე

2. "Beauty And The Beast" ანიმაციიდან Beauty And The Beast

ეს სიმღერა სიყვარულზე, ზრდაზე და ცვლილებაზეა. ბელიც და ურჩხულიც მზად არიან, შეცდომებზე ისწავლონ და სირთულეები ერთად გადალახონ. ასე რომ, ტექსტი მუსიკას მშვენიერებით არ ჩამოუვარდება.

მოუსმინე

1. "Circle of Life" ანიმაციიდან Lion King

იცოდით, რომ Nants ingonyama bagithi baba ითარგმნება, როგორც "აი, მოდის ლომი"? მე - არა, თუმცა ამას ხელი არ შეუშლია, ეს ეპოქალური სიმღერა ყველა დროის ყველაზე კარგ საუნდტრეკებს შორის პირველ ადგილზე გამეყვანა.

მოუსმინე