თავისუფალი დემოკრატების ლიდერი, ირაკლი ალასანია ამბობს, რომ ე.წ. კაბელების საქმეზე დაკავებულები პოლიტიკური პატიმრები არიან:

"შეცდომაში შეყვანა ხდება საზოგადოების იმიტომ, რომ არცერთი დაკავებული ჩვენი პარტიის წევრი არ ყოფილა. ისინი არიან პატრიოტები, რომლებიც გახდნენ სწორედ პოლიტიკური შეტევის მსხვერპლნი. ეს იყო შანტაჟი ჩემი, როგორც თავდაცვის მინისტრის წინააღმდეგ იმისთვის, რომ მე ხელი ამეღო და შეთანხმებულ შეთანხმებაზე არ მომეწერა ხელი. ეს იყო ასევე შეტევა სწორედ ჩვენს თავდაცვისუნარიანობაზე და ეს განხორციელდა პოლიტიკური მოტივით. საზოგადოებას ძალიან კარგად ახსოვს და შეცდომაში ვერ შეიყვანს ივანიშვილი, როგორი განცხადებები გააკეთა მან კაბელების საქმესთან დაკავშირებით, როდესაც წესით მას და მის პოლიტიკურ გუნდს არცერთი დეტალი გასაიდუმლოებული გამოძიების არ უნდა სცოდნოდათ".

დღეს გადაცემაში შეხვედრები რეგიონულ მედიასთან ყოფილმა პრემიერმინისტრმა, ბიძინა ივანიშვილმა განაცხადა, რომ ე.წ. კაბელების საქმეზე ბრალდებულების დაკავებასთან კავშირი არ აქვს, მიუხედავად ალასანიას მიერ ივანიშვილის წინააღმდეგ წაყენებული ბრალდებებისა.

16 მაისს თბილისის საქალაქო სასამართლომ ე.წ. კაბელების საქმეზე თავდაცვის სამინისტროს 5 ყოფილი მაღალჩინოსანი ბიუჯეტის თანხების გაფლანგვაში დამნაშავედ ცნო და სასჯელად თავისუფლების 7 წლით აღკვეთა მიუსაჯა.

ე.წ. კაბელების საქმის დეტალებს მოკლედ შეგიძლიათ გაეცნოთ აქ:

კაბელების საქმე: დეტალები მოკლედ