მთაწმინდის მაჟორიტარულ ოლქში ქართული ოცნების კანდიდატმა, ექიმმა ლადო კახაძემ განაცხადა, რომ საქართველოს პოლიტიკური წითელა დაემართა. მისი თქმით, წითელათი დაავადდა ხელისუფელბის ოთხივე შტო და ყველაზე ცუდად დაავადება სასამართლო ხელისუფლებამ გადაიტანა.

"იმიტომ, რომ ისინი მოუმზადებელი და აუცრელები შეხვდნენ. სულ ახალი კონტიგენტები შეიყვანეს, აუცრელი იყო და არც საკუთარი იმუნიტეტი ჰქონდათ", — განაცხადა კახიძემ Palitra News-ის ეთერში.

მისი თქმით, წითელადან ორი გამოსავალია: "გამოჯანმრთელება ან და წითელა შეგიწირავს. ან შეიძლება გამოჯანმრთელდე და მხედველობა დაკარგო, ან გონიერება შეგისუსტდეს და დიდი ზარალი მიიღო. აქ არის ორი ნაწილი წითელას, როგორც ავადობა და ავადმყოფი, რომელიც წითელათი არის ავად".

კახაძემ განმარტა, რომ სასამართლო ხელისუფლება არის ავადმყოფი და აქვს გამოჯანრმთელების შანსი. ჟურნალისტების კითხვაზე, ამ ლოგიკით აქვს თუ არა გამოჯანმრთელების შანსი ნაციონალურ მოძრაობას კახაძე პასუხობს:

"დაავადების გამარცელებლები, ვინც ვირუსები არიან ისინი ვერ გამოჯანმრთელდებიან, ბატონებო".