Stranger Things-ის ვარსკვლავებმა მილი ბობი ბრაუნმა, კალებ მაკლაფლინმა და გეიტან მატარაზომ ლოს-ნაჯელესში გამართულ ემის 68-ე დაჯილდოებაზე წითელი ხალიჩა და სცენა დაიპყრეს.

ყველამ, ვინც ზაფხულში გამოსული Netflix-ის შოუ უკვე ნახა, იცის რომ სერიალის გმირები სხვადასხვა დაფარული ნიჭის მფლობელები არიან, თუმცა, გუშინდელი საღამოს შემდეგ, მათი ვოკალური და საცეკვაო ტალანტი ყველასთვის შესამჩნევი გახდა.

სანამ დაჯილდოების ცერემონიაზე კამერები ტრიალს დაიწყებდნენ, უცნაური ამბების გმირებმა საზოგადოება მარკ რანსონისა და ბრუნო მარსის Uptown Funk-ის ნომრით გაართეს.

თუმცა, ეს ყველაფერი არაა. მოგვიანებით ბავშვებმა დარბაზში ველოსიპედებით ჩამოიარეს და ემიზე შეკრებილი საზოგადოება ჯიმი კიმელის დედის მომზადებული სენდვიჩებითაც გაახარეს.

წარწერა სენდვიჩის ქაღალდის პარკზე:

"გაერთე ამ ღამით. მოიგებ თუ დამარცხდები, გახსოვდეს, რომ დედას მაინც ყოველთვის ეყვარები. ძალიანაც არ დათვრე. სიყვარულით ჯოანი (ჯიმის დედა)"

პატარა ვარსკვლავებისთვის ეს პირველი დაჯილდოების საღამო იყო, რომელსაც დაესწრნენ, მაგრამ ეს მათ მხიარულებაში ნამდვილად არ იგრძნობოდა.

ვინც ჯერ არ იცის, გაგახარებთ და გეტყვით, რომ Stranger Things მეორე სეზონისთვის ემზადება.

აქვე ნახეთ ემის გამარჯვებულების სია. სამეფო კარის თამაშების გულშემატკივრებისთვის კარგი ამბავი გვაქვს - თქვენმა საყვარელმა სატელევიზიო შოუმ კიდევ ერთხელ მოხსნა რეკორდი.