თბილისის მერმა და პარტია ქართული ოცნების გენერალურმა მდივანმა ყოფილ თანაგუნდელებზე საუბრისას თქვა, რომ მთაწმინდის მაჟორიტარობის ევროპული საქართველოს კანდიდატად შალვა შავგულიძის წარდგენის კადრების ნახვისას, "ხელიდან ტელეფონი გაუვარდა".

"ნამდვილად არ ველოდებოდი ამას", — ამბობს კალაძე და განმარტავს, რომ შალვა შავგულიძე, დავით უსუფაშვილი, გია ხუხაშვილი, მათი თანაგუნდელები იყვნენ და მოიხსენიებდნენ როგორც, ოცნების მხარდაჭრებად.

"როდესაც ერთ მშვენიერ დღეს ხედავ, ადამიანს, რომელიც შამპანიურით სავსე ჭიქას უჭახუნებს ადამიანს, რომელიც არის იმ გუნდის წევრი, რომელმაც გირგვლიანის მოკლა.... მე რომ ვნახე ეს კადრები, ტელეფონი გამივარდა ხელიდან, გულწრფელად გეტყვით. ნამდვილად არ ველოდებოდი ამას", — თქვა კახა კალაძე.

კალაძის თქმით, ევროპული საქართველო და ნაციონალური მოძრაობა ერთი ჯგუფია.

თავისუფალმა დემოკრატებმა და ევროპულმა საქართველომ მთაწმინდაზე გასამართ შუალედურ არჩევნებზე კანდიდატად შალვა შავგულიძე დაასახელეს.