საინფორმაციო სააგენტო როიტერსის ცნობით, მინესოტაში, აშშ–ში, სავაჭრო ცენტრში მომხდარ თავდასხმაზე პასუხისმგებლობა ტერორისტულმა ორგანიზაცია ისლამურმა სახელმწიფომ აიღო. როიტერსი აღნიშნულ ინფორმაციას დაჯგუფებასთან დაკავშირებულ სააგენტოზე დაყრდნობით ავრცელებს.

სავაჭრო ცენტრში კერძო დაცვის კომპანიის უნიფორმიანი მამაკაცი დანით თავს დაესხა მოქალაქეებს, შედეგად, 8 ადამიანი დაშავდა. თუმცა, პოლიციამ თავდამსხმელი ადგილზევე მოკლა. ამერიკული მედიის ცნობით, დაშავებულები საავადმყოფოდან უკვე გამოწერეს, რადგან მძიმე დაზიანება არცერთ მათგანს არ მიუღია. შემთხვევა 17 სექტემბერს, საღამოს მოხდა.