ბათუმში მშენებარე კორპუსიდან მამაკაცი გადმოვარდა და ადგილზე გარდაიცვალა. შემთხვევა დღეს, 4 მაისს, დღის 12 საათისთვის მოხდა. ინფორმაცია ამის შესახებ On.ge-ს შსს-მ დაუდასტურა.

შსს-ს განმარტებით, საქმეზე გამოძიება სისხლის სამართლის კოდექსის 240-ე მუხლის მეორე ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

აღნიშნული დანაშაული სასჯელად ითვალისწინებს: თავისუფლების შეზღუდვას ხუთ წლამდე/თავისუფლების აღკვეთას ორიდან ხუთ წლამდე/თანამდებობის დაკავების ან საქმიანობის
უფლების ჩამორთმევას სამ წლამდე ან უამისოდ.