თბილისის მერმა, კახა კალაძემ თბილსერვის ჯგუფს დაავალა, პუშკინის ქუჩის #19-დან ბარათაშვილის #26-ის ჩათვლით მდებარე სახლები ერთ ფერში გაანათოს. ამის შესახებ კალაძემ თბილისის მთავრობის სხდომაზე ისაუბრა.

"ამ ტერიტორიაზე, როცა ღამის განათება ირთვება, საკმაოდ მოუწესრიგებელია ეს მიმართულება... მე მხატვრული განათება მაქვს მხედველობაში, არის წითელი, ყვითელი, ლურჯი, არეული ფერები, რაც ამ კონკრეტულ ადგილს ხიბლს და სილამაზეს უკარგავს... მინდა, პროექტის გაკეთება დაგავალო, რომ ერთიანობაში ჩაჯდეს ეს ყველაფერი, ერთნაირი განათება რომ ჰქონდეს", — უთხრა კალაძემ თბილსერვის ჯგუფის ხელმძღვანელს, ლევან ჯღარკავას.

კალაძემ ჯღარკავას ბარათაშვილის აღმართზე კლდის მხატვრულად მინათების სამუშაოების პროექტის გაკეთებაც დაავალა.