ქართველი მსახიობი ვიკა კალანდია ნეტფლიქსის ახალ სერიალში მიიღებს მონაწილეობას. ინფორმაციას მისი კოლეგა, მსახიობი ბახვა ბრეგვაძე ავრცელებს.

სერიალს სტრიმინგ-სერვისისთვის ბრიტანელი რეჟისორი პიტერ ვებერი და სალომე კალანდია ერთობლივად იღებენ.

ახალი შოუ ისტორიული ჟანრისაა და ის ქართველი მამლუქის ისტორიას მოგვითხრობს. როგორც ცნობილია, სიუჟეტური ხაზი საქართველოში იწყება, შემდეგ კი ეპიცენტრი კაიროში ინაცვლებს.

ვიკა კალანდიას ქართველი მაყურებელი სერიალ ჩემი ცოლის დაქალებიდან იცნობს.

ამ ეტაპზე უცნობია, როდის შედგება სერიალის პრემიერა სტრიმინგ-სერვისზე.