თუ ინტროვერტი ხარ, მაშინ საკუთარ თავთან გატარებულ თითოეულ წუთს განსაკუთრებულად აფასებ. სავარაუდოდ, ხშირად ფრთხილად არჩევ სიტყვებს, სანამ რამეს იტყოდე, ხოლო თუ სოციალიზაციამდე მიდგება საქმე, გირჩევნია ერთ ადამიანს შეხვდე, ვიდრე მეგობრებისა და ნაცნობების ჯგუფს. ტელეფონზე საუბარი კი, ნამდვილი ღამის კოშმარია შენთვის.

ჩვენ გვესმის შენი, ამიტომ გადავწყვიტეთ შეგვეგროვებინა 8 ყველაზე გულწრფელი პოსტი, რომელსაც ინტროვერტი მომხარებლები ტვიტერში წერენ. მათი წაკითხვა მიგახვედრებს, რომ ყველა ინტროვერტის მდგომარეობა მეტწილად ერთნაირია და ამაში არაფერია საგანგაშო.

1. "რაც უფრო მეტად ვუახლოვდები ადამიანებს, მით უფრო ნათლად მესმის, რატომ დაუშვა ნოემ კიდობანში მხოლოდ ცხოველები"

როგორც ჩანს, ნოე კაცობრიობის ისტორიაში პირველი ინტროვერტი იყო...

2. "როგორც ინტროვერტი, ღონისძიებაზე მიპატიჟება უფრო დიდ სიამოვნებას მანიჭებს, ვიდრე დასწრება"

საკუთარ დაბადების დღეზე სხვების დაპატიჟებასა და შემდეგ თავად არ მისვლაზე რა აზრის ხართ?

3. "ყველა იმ გეგმას ვნანობ, რომელიც ექსტრავერტულ ხასიათზე ყოფნის 5-წუთიან პერიოდში დავსახე"

გეცნობათ ეს სიტუაცია, ხომ?!

4. "ყოველ ჯერზე, როცა ტაქსის გამოძახებისას "კარგი საუბრით განთქმული" მძღოლი შეგვხვდება, Uber-მა 25%-იანი ფასდაკლება უნდა გაგვიკეთოს"

თქვენც გიფიქრიათ გამორთული ყურსასმენების გაკეთება ან თავის მომძინარება მძღოლთან საუბრის ასარიდებლად?

5. "ვგიჟდები, როცა სხვები აუქმებენ გეგმებს და ამის გაკეთება მე არ მიწევს"

და როცა ჩვენ გვიწევს ამის გაკეთება, უკვე დაგვიანებულია ხოლმე, რადგან ბოლო წუთამდე ვყოყმანობთ...

6. "არაფერია იმაზე უარესი, დილის რვა საათიან რეისზე, მოლაპარაკე ადამიანის გვერდით რომ აღმოჩნდები"

...და ავტობუსში გვერდით მჯდომი რომ პოლიტიკაზე იწყებს შენთან საუბარს.

7. "დარეკვის ფუნქცია ინტროვერტისთვის ყველაზე ნაკლებად მიმზიდველი ფუნქციაა ტელეფონში"

ასევე მესენჯერის ვოისის ფუნქცია, სკაიპის ზარები, სირი და ყველაფერი, რაც ხმას გამოსცემს და საუბარს მოითხოვს.

8. "მინდა, რომ ყველა კომპანიას ჰყავდეს ბიბლიოთეკარი. რა მაგარი იქნებოდა კონკრეტული ადამიანის ყოლა, რომელიც ყველა ხმაურიან თანამშრომელს გააჩუმებდა?"

შესაძლოა, ამიტომაც მუშაობს ინტროვერტების უმრავლესობა ნახევარ განაკვეთზე ან ოფისს გარეთ.

ამავე თემაზე: