პრემიერმა მამუკა ბახტაძემ დღეს, 28 მარტის მთავრობის სხდომაზე თქვა, რომ ეკონომიკის მინისტრის სახლის გაქურდვა განსაკუთრებული შემთხვევა არ არის და რომ ეს ყველგან შეიძლება მოხდეს.

"თუ იმას მეტყვით, რომ რატო მაინც და მაინც მინისტრის ხალხი, ჩვენს ხელისუფლებაში არ არიან პრივილეგირებული ადამიანები", — თქვა ბახტაძემ და კითხვაზე, რატომ დამალა შინაგან საქმეთა სამინისტრომ ინფორმაცია ამ დანაშაულის შესახებ, განმარტა, რომ შსს-მ დაიწყო გამოძიება და ეს არის საჯარო.

საქართველოს ეკონომიკის მინისტრის გიორგი ქობულიას სახლის ქურდობის ბრალდებით შსს-მ ერთი პირი დააკავა. უწყების ცნობით, დაკავებულმა მიმდინარე წლის 16 მარტს დაბა წყნეთში მდებარე აგარაკზე უკანონოდ შეაღწია, საიდანაც სხვადასხვა ნივთი მოიპარა და შემთხვევის ადგილიდან მიიმალა.

გუშინ, 27 მარტს შინაგან საქმეთა სამინისტროში On.ge-ს განუცხადეს, რომ მინისტრის სახლის ქურდობის საკითხზე შეტყობინება არ შესულა.