შინაგან საქმეთა მინისტრის მოადგილის, ნათია მეზვრიშვილის ინფორმაციით, პირადი ცხოვრების ამსახველი ვიდეოკადრების კიდევ ერთხელ გავრცელების საქმეზე არასრულწლოვანი დააკავეს. ამის შესახებ მეზვრიშვილმა ჟურნალისტებს განუცხადა. პოლიტიკოსის პირადი ცხოვრების კადრები ისევ გავრცელდა.

"როგორც ჩემთვის ცნობილია, აღიარებს ამ ქმედებას. ინტერესი პირადი თემა არ ყოფილა. ჩვეულებრივი რიგითი მოქალაქეა. ვიდეო უბრალოდ YouTube-ზე ატვირთა. შემკვეთი ამ ეტაპზე არ იკვეთება. შინაგან საქმეთა სამინისტროს გვაკისრია ჩვენი ვალდებულება, რომ დანაშაული როგორც კი მოხდება, დროულად აღვკვეთოთ", — თქვა მეზვრიშვილმა.

ამ პოლიტიკოსის პირადი ცხოვრების ამსახველი კადრები ინტერნეტით უკვე რამდენჯერმე გაავრცელეს.