აშშ-ს პრეზიდენტმა, დონალდ ტრამპმა ხელი მოაწერა დეკლარაცია, რომლითაც გოლანის მაღლობები, რომელიც სირიის საზღვარზე სადაო ტერიტორიაა, ისრაელის ნაწილად აღიარა. დოკუმენტის ხელმოწერას თეთრ სახლში ისრაელის პრემიერ-მინისტრი ბენიამინ ნეთანიაჰუც ესწრებიდა.

ისრაელმა სირიის ტერიტორიაში შემავალი გოლანის მაღლობები 1967 წელს, ექვსდღიანი ომის შემდეგ დაიკავა. მას, დაახლოებით, ტერიტორიის 2/3 აქვს დაკავებული, დანარჩენი სირიის კონტროლის ქვეშაა.

საერთაშორისო დონეზე მაღლობების ოკუპაცია აღიარებული არაა და სირია სრული კონტროლის აღდგენას მოითხოვს. ჯერჯერობით დამასკოში ტრამპის განცხადება არ შეუფასებიათ.

1981 წელს ისრაელის პარლამენტმა მიიღო კანონი, რომლითაც გოლანის მაღლობებზე თავის იურისდიქციის გავრცელებას ითვალისწინებდა. გაეროს უშიშროების საბჭო ისრაელის იურისდიქციას არ აღიარებს, ხოლო გენერალურმა ასამბლეამ გოლანის დაკავებას ანექსია უწოდა.

2017 წელს დონალდ ტრამპმა ისრაელის დედაქალაქად იერუსალიმი აღიარა და ამერიკის საელჩო იქ გადაიტანა. აშშ პირველი ქვეყანა გახდა, რომელმაც იერუსალიმზე ისრაელის სუვერენიტეტი აღიარა.