დღეს მსოფლიო კიდევ ერთხელ გაერთიანდა დაუნის სინდრომის საერთაშორისო დღესთან დაკავშირებით. 21 მარტს უერთდება საქართველოც.

მოვლენასთან დაკავშირებით, სარეკლამო სააგენტო ედვენმა ვიდეო რგოლი გადაიღო, რომლის სახელიც დაუნის სინდრომის მსოფლიო დღის წლევანდელი გზავნილია - "არავინ დატოვო მიღმა".

ვიდეოს სიუჟეტი დაუნის სინდრომის მქონე ადამიანის გარშემო ვითარდება, რომელიც იდეალურ და მისთვის ადაპტირებულ გარემოში იზრდება და ვითარდება. რეკლამის ბოლოს გიგო შიუკაშვილს ვხედავთ — ის დაუნის სინდრომის მქონე პირველი ადამიანია, რომელიც საქართველოში საკუთარი პროფესიით დასაქმდა.

დაუნის სინდრომი გენეტიკური ცვლილებაა, რა დროსაც ნაყოფის უჯრედებში 46-ის ნაცვლად 47 ქრომოსომა ჩნდება. ათასი ბავშვიდან ერთი სწორედ ამ სინდრომით იბადება. იგი პირველად 1866 წელს მეცნიერმა ჯონ დაუნმა აღწერა. განვითარებულ ქვეყნებში მუდმივად მუშაობენ დაუნის სინდრომის მქონე ადამიანთა მიმართ სტიგმის დაძლევაზე. შედეგად, ისინი იღებენ განათლებას, საქმდებიან და ქმნიან ოჯახებს.

2010 წლიდან, ყოველ 21 მარტს მსოფლიო დაუნის სინდრომის საერთაშორისო დღეს აღნიშნავს. საქართველო წელს მერვედ უერთდება მსოფლიო ინიციატივას.

ამავე თემაზე: