სერიალ მეგობრების ერთგულ ფანებს აუცილებლად ემახსოვრებათ როსის საყვარელი მაიმუნი მარსელი და არასდროს დაავიწყდებათ არც ის, რომ ერთ დღეს მარსელი რეიჩელმა დაკარგა.

დაკარგულ მარსელს მთელი ეპიზოდი მიეძღვნა და მიუხედავად იმისა, რომ ეს სერია ყველას სცენარისტების რიგითი შედევრი ეგონა, აღმოჩნდა, რომ ასე სულაც არ ყოფილა - მაიმუნი გადასაღებ მოედანზე მართლა დაიკარგა. სწორედ ამიტომ, სცენარისტებმა გეგმა შეცვალეს, მთელი სერია გადაკეთება და ეპიზოდი მარსელის გაუჩინარებას დაუთმებს.

საიდუმლოს ფარდა ჯოუის როლის შემსრულებელმა მეთ ლებლანკმა ჯიმი კიმელის გადაცემაში სტუმრობის დროს ახადა.

მეთი ვარაუდობს, რომ ის პავილიონში ჩამოკიდებულ განათებებზე ძრომიალისას იმდენად გაერთო რომ საქმე სულ "გადაავიწყდა".

მეთმა გაამხილა ისიც, რომ მაიმუნთან მუშაობა ყველას მოსწონდა დევიდ შვიმერის გარდა, რომელსაც მარსელი გამუდმებით ნერვებს უშლიდა და იხუმრა კიდევაც, რომ მარსელის გაუჩიანრების ამბავს ყველა დევიდს აბრალებდა.

მიუხედავად იმისა, რომ მარსელის გამო სერიალის გეგმა მთლიანად შეიცვალა, ის მაინც მოთხოვნად "მსახიობად" ითვლებოდა. მისი რეალური სახელი კეიტია და ის რამდენიმე ფილმსა და სერიალში გამოჩნდა, მათ შორის ყოვლისშემძლე ბრიუსში, სადაც ერთ-ერთ მთავარ როლს ჯენიფერ ენისტონიც ასრულებს.

მეტიც, კეიტის თვით კენდალ ჯენერთან ერთად აქვს მონაწილეობა მიღებული ფოტოსესიაში.