ბრიტანული ავიაკომპანია Virgin Atlantic, რომელიც ამ დრომდე მკაცრი დრესკოდით იყო ცნობილი იყო, ქალ ბორტგამცილებლებს ჩაცმაზე შეზღუდვებს უხსნის.

კომპანიამ ქალ ბორტგამცილებლებს არჩევანის თავისუფლება მისცა. მათ მაკიაჟისა და ქვედაკაბის ტარების ვალდებულება აღარ ექნებათ და სამსახურში საკუთარი არჩევანის თავისუფლად გამოხატვას ჩაცმულობითაც შეძლებენ.

კომპანიის მიერ გავრცელებულ განცხადებაში წერია, რომ ქალი თანამშრომლები შარვალსაც ჩაიცვამენ და მძიმე გრიმის გარეშეც გამოცხადდებიან სამსახურში.

ავიაკომპანიის ქალ თანამშრომლებს წითელი კოსტიუმითა და ქვედაკაბით, წითელი მაღალქუსლიანი ფეხსაცმლითა და ტუჩის წითელი საცხით უნდა ემუშავათ. თითოეული მათგანის უნიფორმაში მალე შარვალი დაემატება.

კომპანიის ვიცე-პრეზიდენტი მარკ ანდერსონი ამბობს, რომ ცვლილებები ქალი თანამშრომლებისთვის კომფორტის ხარისხს გაზრდის.