თიბისის დამფუძნებლის, მამუკა ხაზარაძე შინაგან საქმეთა მინისტრისგან, გიორგი გახარიასგან მიღებულ შესაძლო მუქარის წერილზე ამბობს, რომ გააგზავნეს ლონდონში ექსპერტიზაზე. ამის შესახებ მან სასამართლოში გამოკითხვის დასრულების შემდეგ განაცხადა.

"წერილის შინაარსი იყოს პროკურატურის პრესკონფერენციის საგანი. კიდევ ერთხელ ვნახე საბჭოთა პროკურატურის მენტალიტეტი", — განაცხადა ხაზარაძემ.

გუშინ, 4 მარტს პარლამენტში თიბისის დამფუძნებლებს, მამუკა ხაზარაძესა და ბადრი ჯაფარიძეს მოუსმინეს. ამ სხდომაზე მამუკა ხაზარაძემ განაცხადა, რომ არჩევნების წინ მაღალჩინოსანმა წერილი მიწერა, რომლის მიხედვითაც მოთხოვნების შეუსრულებლობის შემთხვეევაში დაუნგრევდნენ რეპუტაციას ქვეყნისა და საერთაშორისო ასპარეზზე. შემდგომში ხაზარაძემ განმარტა, რომ ეს წერილი გახარიასგან მიიღო. ბიზნესმენმა აღნიშნა, რომ ამასთან დაკავშირებით პროკურატურა ინფორმირებული იყო. ამასთან დაკავშირებით ხაზარაძე დღეს თბილისის საქალაქო სასამართლოში გამოკითხვაზე იმყოფებოდა. როგორც ხაზარაძემ განაცხადა, სასამართლოში წერილის ასლი წარადგინა, ორიგინალი კი, ლონდონში ექსპერტიზაზე გაგზავნა.