გამომდინარე იქიდან, რომ წელს ოსკარის ცერემონია წამყვანის გარეშე ჩატარდა, ყველა ელოდა, რომ შოუ სრულ ფიასკოს განიცდიდა, უინტერესო იქნებოდა და ამის ფონზე მაყურებელიც არ ეყოლებოდა.

თუმცა, ყველაფერი სხვაგვარად მოხდა. შოუ საკმაოდ სანახაობრივი იყო და საბოლოოდ, გასული წლის რეიტინგთან შედარებით 12 პროცენტიანი ზრდაც ჰქონდა.

ოსკარის რიგით 91-ე დაჯილდოების ცერემონიას ABC-ის პირდაპირ ეთერში წელს 29.6 მილიონმა ადამიანმა უყურა.

გარდა ამისა, ცერემონიამ წელს იმაზე მეტი პოზიტიური გამოხმაურება დაიმსახურა, ვიდრე ეს 2018 წლის ოსკარზე მოხდა.

მიუხედავად იმისა, რომ წელს ოსკარის რეიტინგი გაიზარდა, ის ბოლო წლებთან შედარებით მაინც ერთ-ერთი ყველაზე დაბალი მაჩვენებელია. თუმცა, ეს გასაკვირი არც არის რადგან ინტერნეტის ეპოქაში სულ უფრო ცოტა ადამიანი ადევნებს თვალს პირდაპირ ეთერს ტელეეკრანზე.