შინაგან საქმეთა სამინისტრო აცხადებს, რომ ქურდობის მცდელობის ბრალდებით დაკავებულია სამი პირი, მათ შორის, ორი წარსულში ნასამართლევია.

გამოძიების ვერსიით, ორმა ნასამართლევმა ბრალდებულმა 10 თებერვალს, თბილისში ვარკეთილის მე-4 მ/რაიონში ავტომანქანიდან სარკეების ქურდობა სცადეს. უწყების ინფორმაციითვე, მესამე ბრალდებულმა კახეთის გზატკეცილზე მოქალაქის კუთვნილი ავტომობილის გაქურდვა სცადა.

შსს-ს ცნობით, სამივე მათგანი შემთხვევის ადგილზევე დააკავეს. გამოძიება ქურდობის მცდელობის ფაქტზე მიმდინარეობს, საქართველოს სისხლის სამართლის კოდექსის 19-177-ე მუხლით.