ამერიკელი მსახიობი თავის ძველ მეგობარს მეგან მარკლს იცავს და ამბობს, რომ მედია და საზოგადოება მას უსამართლოდ ექცევა. კლუნმა სასექსის ჰერცოგინიის გამოცდილება ლედი დაიანას მიმართ არსებულ დამოკიდებულებასაც შეადარა.

"ისინი მეგანს ყველგან დასდევენ, მას დევნიან და ლანძღავენ. ეს ქალი 7 თვის ორსულია და მას ისე დასდევენ, როგორც დაიანას. ისტორია თავის თავს იმეორებს და ჩვენ ვნახეთ, ეს როგორ დასრულდა".

პრინცესა დაიანა 1997 წელს ფატალურ ავარიას ემსხვერპლა, როცა მის მანქანას პაპარაცები მისდევდნენ.

კლუნს ასევე ჰკითხეს, იქნებოდა თუ არა მეგანისა და ჰარის შვილის ნათლია.

"კი, მე სამეფო ოჯახისთვის შერჩეული ნათლია ვარ. ვხუმრობ, რა თქმა უნდა, არა", - მიუგო მან ჟურნალისტებს.

მეგანისა და ჰარის შვილი 2019 წლის გაზაფხულზე დაიბადება.

ამალ და ჯორჯ კლუნები ჰარისა და მეგანის სამეფო ქორწილზე. 2018 წლის 19 მაისი.

ფოტო: Gareth Fuller

ამავე თემაზე: