რუსეთი აპირებს, რომ კიბერუსაფრთხოების შესამოწმებლად გლობალურ ინტერნეტს დროებით "გამოეთიშოს". BBC წერს, რომ ტესტის დროს მონაცემების გაცვლა მხოლოდ ქვეყნის შიგნით მოხდება და მის ფარგლებს არ გასცდება.

აღნიშნულთან დაკავშირებით რუსეთის პარლამენტში კანონპროექტი "ციფრული ეკონომიკის ეროვნული პროგრამა" წინა წლის დეკემბერში დარეგისტრირდა. გამოცემის ინფორმაციით, ტესტი 2019 წლის პირველ აპრილამდე ჩატარდება, თუმცა ზუსტი თარიღი უცნობია. კანონპროექტი დუმაში პირველი მოსმენით უკვე მიიღეს.

როგორც კანონპროექტის ავტორები ამტკიცებენ, მათი მიზანია ინტერნეტის რუსულმა სეგმენტმა მუშაობა გააგრძელოს იმ შემთხვევაშიც, თუ მას საერთაშორისო ქსელიდან ჩახსნიან.

კანონპროექტი ინტერნეტპროვაიდერებს ავალდებულებს, ოპერირება მოახერხონ თუკი "გარე ძალები ეცდებიან, ქვეყნის ონლაინიზოლაციას შეეცდებიან". BBC წერს რომ, NATO და მისი მოკავშირეები კიბერთავდასხმების გამო რუსეთს სანქციებს დაუწესებენ.

გარდა ამისა, კანონპროექტით გათვალისწინებულია, რომ რუსეთმა DNS-ის, ინტერნეტის მისამართების სისტემის საკუთარი ვერსია შექმნას და ტრაფიკის მარშრუტის განსაკუთრებული წესები დააწესოს. ეს უზრუნველყოფს, რომ უცხოური სერვერებიდან გათიშვის შემთხვევაში რუსულმა ინტერნეტ რესურსებმა მაინც იმუშაონ.