ინაშვილი დეპუტატებს: ხელისუფლებაში რომ მოვალთ, იმედი მაქვს, ყველა დაისჯებით

5 Feb. 2019, 14:41

[პირადი ცხოვრების ამსახველ კადრებს] ვინ იღებდა, როგორ იღებდა, დღეს ვინ ავრცელებს, პასუხისმგებლობას ვერავინ ვერ გაექცევით, ვერც ისინი, ვინც ამ ქვეყანას ცხრა წელი აწამებდით და ვერც ისინი, ვინც შვიდი წელია მართავთ ამ ქვეყანას, ვერც ნაცმოძრაობა და ვერც ქართული ოცნება.

დღეს დააკვირდით, რა ტენდენციასთან გვაქვს საქმე? კიო, ჩვენ ვიღებდითო ამ კადრებსო და 26 ათასი ფაილი მარტო ორ სამინისტროში იპოვეს ამ მანიაკებმა, რომლებიც საძინებლებში, სამზარეულოებში ყველგან უსმენდნენ, უთვალთვალებდნენ და იღებდნენ ადამიანებს და ახლა ამბობენ, ვინ დაგვიმტკიცა ჩვენო, რომ სისტემურ დანაშაულს ჰქონდა ადგილიო.

მე ოცნებას ვეკითხები, რატო არ დაუმტკიცეთ ამ კონკრეტულ ბატონებს, და ქალბატონებსაც, რომ სწორედ სისტემური დანაშაული იყო, რაც ხდებოდა. რატომ არ დაუმტკიცეთ ეს, რატომ არ დაისაჯა ყველა ის, ვინც კასრების საქმეში იყო ჩარეული?

დღეს გამოდიხართ თქვენ, წინა რეჟიმის წარმომადგენლები და უსინდისოდ, ურცხვად ლაპარაკობთ იმაზე, რომ არაფერი არ ხდებოდა... მე იმის იმედი მაქვს, ჩვენ რომ მოვალთ ხელისუფლებაში, ყველა დაისჯებით, წინა რეჟიმის წარმომადგენლებიც და დღევანდელი ხელისუფლების წარმომადგენლებიც, რომლებიც ხელს აფარებთ წინა რეჟიმის დამნაშავეებს.

ბოლო ამბები:

ირმა ინაშვილი ინაშვილი დეპუტატებს: ხელისუფლებაში რომ მოვალთ, იმედი მაქვს, ყველა დაისჯებით

კომენტარები

კვირის ტოპ-5

გირჩევთ

ახლა კითხულობენ

ბაზისბანკი თეატრალური სივრცის — თოჯინების სახლის გენერალურ სპონსორობას განაგრძობს