ბრაზილიელი მოდელი ჟიზელ ბიუნდჰენი თავის ერთ-ერთ ყველაზე ცნობილ ურთიერთობაზე ალაპარაკდა. როგორც ის იხსენებს, ლეონარდო დიკაპრიოსთან დაშორება მისთვის რთული გადაწყვეტილება იყო.

ყოფილი სუპერმოდელი ამბობს, რომ ეს ნაბიჯი იმიტომ გადადგა, რომ მიხვდა, ცხოვრებაში ცვლილებები სჭირდებოდა:

"აღარ შემეძლო ამდენი მუშაობა, სმა და თამბაქო. ვხვდებოდი, რომ ის ადამიანი ვხდებოდი, ვისაც არ ვისურვებდი, რომ ვყოფილიყავი. თუმცა, ჩვენ ორიდან მხოლოდ მე მინდოდა შევცვლილიყავი, მას სურდა იგივე დარჩენილიყო".

ბიუნდჰენი და დიკაპრიო 2000-2005 წლებში ხვდებოდნენ ერთმანეთს. 2005 წელს, ის დიკაპრიოს ოსკარის 77-ე დაჯილდოების ცერემონიაზე ახლდა, რომელზეც ლეონარდო The Aviator-ში შესრულებული როლით იყო ნომინირებული. ეს იყო ერთადერთი შემთხვევა, როცა დიკაპრიომ შეყვარებული კინოაკადემიის დაჯილდოებაზე წაიყვანა.